പത്തനംതിട്ട : ജില്ലയിലെ ഇതരസംസ്ഥാന തൊഴിലാളികള്ക്ക് വിതരണം ചെയ്യുന്നതിന് മുത്തൂറ്റ് പാപ്പച്ചന് ഫൗണ്ടേഷന് ഒരു ലോഡ് അവശ്യസാധനങ്ങള് ജില്ലാ കളക്ടര് പി.ബി നൂഹിന് കൈമാറി. 2000 കിലോ സവാള, 1000 കിലോ ഉരുളക്കിഴങ്ങ്, 900 കിലോ പാം ഓയില്, 10 കിലോ മുളകുപൊടി, 300 കിലോ തുവര പരിപ്പ്, മല്ലിപൊടി എന്നീ ഭക്ഷ്യധാന്യങ്ങളാണ് എത്തിച്ചത്. മുത്തൂറ്റ് ഫിന് കോര്പ് പത്തനംതിട്ട റീജിയണല് മാനേജര് കെ.എ വര്ഗീസ് സാധനങ്ങള് ജില്ലാ കളക്ടര് പി.ബി നൂഹിന് കൈമാറി.
ഇലന്തൂര് ബ്ലോക്ക് പഞ്ചായത്ത് പ്രസിഡന്റ് ജെറി മാത്യു സാമിന്റെ അഭ്യര്ഥന പ്രകാരം മുത്തൂറ്റ് പാപ്പച്ചന് ഫൗണ്ടേഷന് മാനേജിംഗ് ഡയറക്ടര് തോമസ് ജോണ് മുത്തൂറ്റാണ് സഹായം എത്തിച്ചത്. ഇലന്തൂര് ബ്ലോക്ക് പഞ്ചായത്ത് പ്രസിഡന്റ് ജെറി മാത്യു സാം, ദുരന്തനിവാരണ വിഭാഗം ഡെപ്യൂട്ടി കളക്ടര് ബി.രാധാകൃഷ്ണന്, ജില്ലാ ദുരന്തനിവാരണ അതോറിറ്റി നോഡല് ഓഫീസര് വി.എസ്. വിജയകുമാര്, ബ്ലോക്ക് ഡവലപ്പ്മെന്റ് ഓഫീസര് സി.പി. രാജേഷ്കുമാര് എന്നിവര് പങ്കെടുത്തു.